Tuwi ake un kado keriut teka jagan, tai kah ngan ki lepa abe beluak tau ne oban ja. Opit pe nta un kelunan kengkeh oban ketai kelonan ne ai lengah bada..tai masat ke kedai kina meli inu ngan nai ule.... kado lepe oban inu-inu ja ake lingo nta nawai...ja ne teka udip ke alo..ne...
Lep laning lep laning lepa bolan pien ne oban ji, kelo tai ule krismas bane liwai ji le ne kumin, Tuhan ja mesik janan boka le pesenteh palak Iya. Kumin tain ai leko ale ne teka' le tai ule ke lepo naki odai, oban le nta un tuyang kado ke lepo odai bane...mung ida lepa tai un anun ngan kelo mengin tai masat pe nta kumin tiga atau senang odai...anak le la-a un kado. Jadi ilu kaang ilu tuwak odai...mo-o ne kebaien ngan tuyang le.
Nta sukat tai main bup tai taup la-a, atek ja ne teka adu le bekading re tai ti bup singket tai taup.
Tai osah le mukun ne ji pe sidek ngan anak le pelepa nai bio atau latak kise...beng kelo nyat tai nyatung ne di nta pe jak un teka' kebaien tai ngkin ida...un jaat teka kimet boka nawai ja oban bekading re ilu sukat tai entu' pa bala mata atau pa jiwen ale...atek tiga ale teka' ja ne...ida naki ilu molen ida ti kado inu....naah ida pe tisen naat TV and main komputer games tuak....kumin ja odai senganak?....nengayet lote badeng mibu ngkin anak le tai masat naat daleh de cuk...ngkin ida explore dalau baie ngan nauk man alut tai ala kojau...ji ja ngkin ida nawai kumin oban kise le mudip senaak re...anak le naki nta tisen kado inu ngan gayeng ja ilu kenyah ti bekading re....ayen tai dorat kidi ngan ti lote kidi keriut de...tai nauk la-a......petego ca liwai la-a o o te. :)
No comments:
Post a Comment