Selamat pegita ke dalem blog le ji ca liwai laa. Ake' kelo' ke ti syabas ngan tahniah me anak-anak tepat Kenyah ja lepa ala' peresa STPM ngan SPM 2009. Harap mung ikem pat anak di de ala' persesa sokat skor ngan tiga dalem peresa ja nai lua' keputusan minggu je lapa re. Me mung da lebau peresa ngan tiga tahniah! Me de nta sokat lebau ngan tiga de' ayen loap/pook tawai. Ten ca liwai laa.
Me anak-anak telu de lepa lebau ngan tiga, nengayet peteneng nuang/asat sekolah em laa. Ayen beka' teyna ngan jawai dado' asat sekolah em lepe laa. Nengayet baya' kise' asat lepo' du de lepa majan ale' napa ilu Kenyah dalem sekolah ji. Boka em kurang tisen teka' ke mita janan pecuk sekolah, mutu ke seken/tuyang atau mpe' de lepa lapa sekolah ji. Kua'-kua' tepat pabat peniga dalem sekolah ji. Maju terus tepat dalem sekolah ji senganak!
