Kabak, kedaya matai itik atau tai kimpin, kimpin, kimpin, undi-undi-undilah; Nta un eek ja molen ilu undi liwai ji atek tiga ale', nta le tisen kumin layan, kumin kise' asat undi ja liwai e-e ne. Mung lepo, daleh ngan kelunan untuk berepu, binggung ngan kecet, oban nta tisen eek ja ida ke undi.
Boka du palo ikem ca liwai, masa' tiga pe ke ten ca liwai la-a mile kelonan atau parti ja la-a? boka pola ilu kedua liwai eek, eeee ai palo ale' kelonan ji toh dau le? boka le mile' iya la-a ngan ia ngaken pilu la-a. Yu ne palo-palo kelonan ji to ja dau le kenyah ne. Konya palo pe ilu lepa ja la-a, na-aaah ilu nyelopo ne kelonan ja lepa ja. Nak pe kumin-kumin menging dau denga e lepa ja, beng dau le ne palo ale-ale laki atau kelonan ja, poto ne panyi ame pat to. Un le kelo' ke mile' iya jadi wakil le la-a to?. Ake ngio masa' lebih tiga le mile' kelonan ja mading bane. Kenio' pe ja mading ja palo ilu o-o tapi ja ca liwai tuwak, nta le oba' sio palo kelonan ja ading o-o re. Kelai asu dare ja dau le kenyah ne kidi. nta meka dau ja ko.
No comments:
Post a Comment