Tuwi kepala menteri kelu' ke metep umpung tejalak (DUN Sarawak dissolve) ngan nta majan la-a ilu ketai undi, ji ne ja' ilu mita oban ilu sokat mita ca wakil ilu ja mading la-a. Ayen dado' pekimet, nawai u ja BN lepa uyan me rakyat dalau 4 oman ja lapa re; Un re peluak kise pengemala' re ke ilu? atau ida janji kosong tuak, atau bada kelo' oyan projek un tepe o-o ida nta ti e (nta tunai janji re). Boka meka ne oban re ilu mile' ne pati da ca liwai ji; ayen mile' ida la-a. peselum ilu tuak. Menteri naki un nak golak batu medu mung ida badak oyan ji ngan oyan ja, kuak uku baan tekena Empui (ca kelonan ja' antun ale) re kelonan di ake ngi-o', nak bading baan Buyok meka dau Empui tai nak bading nta e nyaut bading ja, neng nempam e nai ne naat bading ngan bubu e. Sea-auw pilu boka meka ne oban du (YB) palo ilu mudip-mudip. Un atuk jak EMpui ke alak boka e nta tai nak bubu lan-lan tain? pekimat ji toyang ayen mabi pekimet tiga pengaruhi toa le ke oma badak mida ayen undi BN la-a. ida tisen palo tuak.
Boka le mile' pati da ca ida un takut ilu baya te o-o. naki ida panyi ilu uku baan panyi oyat re.
No comments:
Post a Comment