Salah satu agenda je' Mesyuarat Kebana lepa Meeting tidai re jane, oyan ngadan me anak mading nai luak. Dalem perbincangan dalau ja re, mung Ahli Mesyuarat bersetuju apan ngadan mung anak de' nai luak laa nading oman ji mesti oyan ngadan dalem bahasa le Kenyah Badeng. Ji termasuk ngadan Kenyah ji ilu oyan masuk dalem sijil lahir anak mading ja. Tujuan le ti meki oban le memelihara bahasa le. Un dau du bahasa menunjukkan bangsa. Yu saeh le oyan ngadan kenyah? Yu oba' le ala' ngadan alo' de' mencam ti bub didai da? Adakah ilu ikut se' de' seken kilu kena kire keneng oyan ngadan anak? Dalau du baca ngadan anak de' du ngkin sebayang ka' Gereja Apau Kakus 2008 re, 100% ngadan alo' mung ne dau da. Berengah ale' dau de' lata' ngening du pecap ngadan re badu. "Ai beng anak lepo' du ne oban anak di ala' among tain? dau de' lata' badu. De' lepa oyan nyoo ne lepa ngan nta ne oyan ngadan alo' laa baen dau re.
Juko' cen naki ne, pekimet tega le tepat keneng poyan ji. Boka anak le tai un ngadan kua' ngan du bekidai, tentan dau ngadan kenyah re kata du oo ngan ngadan bangsa le pe tai pejung kua' ladung ngan kua' tekejeng ngan du oo. Tega tawai.
3 comments:
Oyan ngadan me anak mading pempet ca pemuyan ja' tekep ilu Kenyah Badeng ne ke pepo petawai ilu semaik apan. Dalem pengelo' le mung, ngadan anak ngan su le tekep te ke peluak ilu da' pu o' Badeng.
Keneng aang ngadan dak ilu sukat ke nak me anak ngan su mading le ja ne;
Ngadan Laki: Jalong, Lian, Balan, Lenjau,Lenchau, Bato',Liau, Ato, Apoi,Ipui,Sigau,Nchau, Laing, Ding, Belarek, Ungau, Ngau, Tasie, Selong, Bilong, Talan, Along, Tingang, Ngerong, Bit, Laing, Madang,Belawan, Lusat, Nchuk, Ntan, Uchat, Lahang, Laang, Salo',
Ilong, Uleh, Ampung, Dian, Erang, Liau, Ngang, etc.
Ngadan Leto; Bungan, Lampang, Solo, Ino', Buring, Urai, Usun, Ungan, Lun, Bua', Baun, Suling, Piu, Epong, Bawing, Oyang, Irip,Kirip, Bulan, Tau, Bunyau,
Di ne ngadan da'tekep ilu Badeng ne ke pekimet ke nak me anak mading. Kado' pe ngadan da' nelo ilu badeng ne uban uyan atau pe da' ilu uban ke ala' cen lepo' du da' ca. Nta pe ke iu uban ne un te dau terana' le Kenyah Badeng keneng idi.
Tiga tawai me ikem telu da' uban janga ngimet pemuyan ji me ilu Badeng ne. Balo' tekep teka' le ke nenganyet ke petobo identiti(teranak') le ji lo' te.
Tiga tawai.
Ake' memang sokong dau ngadan kenyah ja..boka le naat se' ngadan pemain terkenal di..uko' baen Ronaldo da, ngadan re menunjukkan bangsa/lepo' re. Nta le sokat mekeh ngadan kenyah ja kilu nak pe ilu oyan ngadan alo'. Harap de' mading kahwin ngan de' manai tamen sedia ngadan anak mikem. Boka sokat rujuk ke' cerita asat buau Kenyah Badeng dalem web Kebana...T3 Ta-y.
Kumin Buka le ke paliu dau cogan kata ' The Kenyah Badeng hopes for the best but prepare for the worst' nuyan ' THE KENYAH BADENG ALWAYS STRIVE FOR THE BEST BUT PREPARE FOR THE WORST"
Rational; The Badengs always making greta effort to achieve something in lives.Besides, they are relatively hardworking, always struggle for the best, inovative, proactive, coperative, acceptive, and colaborative. Means to say, they are not hoping but striving really hard. The little success that we the Badengs enjoyed and attained to date is merely due to our hard labour. You, our youngsters have been striving fairly hard for your success of today. So, I humbly suggest that, we Badengs no more harbour on HOPE alone but STRIVE!
Just a point to ponder upon.
Post a Comment