Senganak, nta majan la-a nai ne du kempen me piliharaya umum ja nta majan la-a. Ilu lepo ne ayen mabi pekimet inu ji, majan ale' ne tepat midit BN, cin Long Dungan bekading re, beng sengau sing, paip sungai, baja, nak minyak man le mada ngan nepeng sada baie, ngan nak ligit tambang tuak le ida me ilu dalau du undi.
Ayen nta nawai tana', loten, janan, kubo taban nta un awai ida nak me tepat, sekolah pe tenuyan suak oban kerja gotong royong lepo. Atek PALO ale oban BN lepoilu odai, dalau du undi le ida mita tepat. Liwai ji ca bayu ja atek pali nai nantak lepoilu ke cuk ilu mung mile' parti pembangkang atau parti bebas.
Keperluan asas nta lepe ida tunaikan, nta majan la-a ilu nyeng ke wawasan 2020, ja kuma dau negara le ca negara maju. pek atan nta ji lan oban re nta sukat petenup kemudahan asas me ilu rakyat ke ulu sungai. Udip le makin tosah, oban ida nai ngejaat uma, juwe ngan bekan le. Maa ale pita oman, sungai pe tai litut ngan un tosa pita pun dalau baie.
Ayen dayo-dayo senganak da ake malak nengayet ne mita tiga pet pemimpin atau YB John Sikie Tayai da nta nyinggo ilu. Meka lote MP tepat ke Kakus Joseph Entulu Belaun. Pita ne tepat wakil rakyat ja mading ja ke ngkin isu le me perintah.
1 comment:
Nyat ne projek oadi...
Post a Comment