Gambar ji pelua' kise' kelup de' ading tai tisen un sekolah me' lepo' ilu cen Long Busang. Ida tai sekolah ke' Long Jawe'. Gambar ji oban mubaligh ala' oman 1972 re ka' Lg. Jawe', dalau re lidik lasan oma' dado'. Nta le tisen eh e' kelonan di. Tapi setelah 36 oman tua' ilu lepa un sangkit ale' nai maju cen udip sakai le. Naki ilu un tai alo' se' cen oo du dari segi kemajuan. Ilu naki un meli amin batu ke' pasen, kado' de' gayeng perintah, un kereta, motorsikal ngan un pe de' un syarikat & Kompeni tengen.Tuesday, November 25, 2008
Anak Badeng Lg. Busang Pertama mengenal Sekolah
Gambar ji pelua' kise' kelup de' ading tai tisen un sekolah me' lepo' ilu cen Long Busang. Ida tai sekolah ke' Long Jawe'. Gambar ji oban mubaligh ala' oman 1972 re ka' Lg. Jawe', dalau re lidik lasan oma' dado'. Nta le tisen eh e' kelonan di. Tapi setelah 36 oman tua' ilu lepa un sangkit ale' nai maju cen udip sakai le. Naki ilu un tai alo' se' cen oo du dari segi kemajuan. Ilu naki un meli amin batu ke' pasen, kado' de' gayeng perintah, un kereta, motorsikal ngan un pe de' un syarikat & Kompeni tengen.
Subscribe to:
Post Comments (Atom)
2 comments:
Tiga ale' oban lepo' ilu nai ngenyeng perintah ngan je' atek bio' lan jane nai ngenyeng sekolah ji. Dalau tai me' ke' Long Jawe' ading re, jawai sik amin senganak le Lepo' Kulit ka ca' pakai papan kayu de' ida oyan man asai tua' le. Bio' ale' sik li'ap papan di. Uko' ba'an sik le ke mepak ca alut re sey. Amin dado' re ka ca' pu'un sik gaya'e ngan peno' ku'un sejarah. Ida bada' un ca mudung dumit kata sekolah ka, kata Jepun pepatai ngan sedadu perinta bekading de. Un ca anak Badeng je' atek ading tai sekola mpau me lepo' ilu, ca leto manai, ngan na' ki ya mudip ngan je' laki ke Australia. Basa' boka senteng tiga pe mutu ke' ia, kumin teka' penosa e tengen-tengen ke tai nanta' sada penisen ji bekading re. Ngadan leto ji jane Jinap Ato. Ia ne leto je' ilu senteng bada' The First Lady of Kenyah Badeng Oversea. Tiga tawai.
Balo tepat badeng nakut sekolah ne bekading de baro..juko le mecin/kelap ngau tua ne cin alo kayan senaak uban tepat koma sekolah ji ngaken ilu...perintah cuk lepo ilu tai sekolah ke lg Jawe/Lg Linau senaak uban de kelo ilu ke tisen awang dema..tape kado de ngecin nyain ne...ule ke omak..bosek ke ti...
Post a Comment